12. Супержанчыны

Беларускія супервумэн. Мы, замежнікі, ўражаныя імі. Яны апранаюцца як мадэлі, з шармам ходзяць на высокіх абцасах, занятыя на працы ўвесь дзень, прыходзяць дадому, займаюцца гаспадаркай, і адсоткаў 95 з іх можна назваць добрымі кухаркамі. Яны паслухмяныя і ведаюць, аб чым кажуць. Божачкі, беларускія мужчыны, мабыць, самыя ўдачлівыя ва ўсім свеце!

Цікавая і адначасова шакуючая дэталь – гэта гендэрны баланс, ці лепш кажучы, гендэрны дысбаланс, таму што паводле статыстычных дадзеных на пачатку 2014 года ў Беларусі было 4 мільёны 401 тысяча мужчын і 5 мільёнаў 67 тысяч жанчын. Гэта звязана з дакументальна падцверджаным фактам таго, што мужчыны, як правіла, паміраюць раней за жанчын. Верагодная працягласць жыцця сярод мужчын скаладае 67 гадоў, сярод жанчын – 77.

Зыходзячы з розніцы ў сярэдняй працягласці жыцця, можна патлумачыць яшчэ адзін аспект беларускай культуры – бабулі -  тыя, хто клапоціцца аб сям’і, жыцці і аб усім астатнім. Ці можа быць так, што менавіта праз гэтых беларускіх матрыярхаў мы маем такіх моцных,прадбачлівых супержанчын?


Так у чым сакрэт беларускіх Супержанчын? Ёсць магчымасць атрымаць усё адразу ці ўсяму ёсць свой кошт? Распавядзіце нам пра вашыя думкі на гэты конт.